واحد عجوز كل يوم يروح البنك ويودع 5000 جنيه فى حسابه...
الموظفين استغربوا
وفى يوم قال لهم المديرلما ييجى نادوه أكيد هو غنى ولازم نستفيد منه
لما جه الراجل ودخل البنك دخَّـلوه الموظفين على المدير
قالّه المدير: أنت بتشتغل إيه؟..
قال: عاطل مابشتغلش
قاله المدير: منين كل الفلوس دى؟
قال:أنا بأراهن الناس بـ 5000 جنيه ودائما باكسب
قاله المدير: مش ممكن ... إحكى الحقيقة ...
قال الراجل: خلاص تراهن بـ 5000 جنيه إنى اقدر أبوس عينى
قال المدير: أراهن...
قام الراجل وفك عينه وباسها ورجعها (عينه زجاج تركيب)
قال الراجل تراهن بـ 5000 جنيه إنى اقدر أعض ودنى
المدير بعد ما فكر واتأكد إن مافيش ودن تركيب قاله: أتحدى
الراجل فك طقم اسنانه وعض به ودنه ورجعه
المدير إداله 10000 جنيه ومشى الراجل
وتانى يوم الصبح لما دخل الراجل البنك نادوه الموظفين ودخلوه على المدير
قاله المدير يا ابن الحلال عشان خاطرى رجعلّى فلوسى
قال الراجل: خلاص أنا حاراهنك على حاجة إذا إنت كسبت حاديلك ال10000 وإذا أنا كسبت تدينى 5000 جنيه
قال المدير على إيه تراهن
قاله الراجل: تراهنى أن لون غيارك الداخلى السفلى أزرق
قال المدير وهوفرحان: لا طبعا مش أزرق (متأكد بقى)
قال الراجل: لا أزرق
قال المدير: لا مش أزرق
قال الراجل: خلاص اقلع البنطلون ونشوف
قلع المدير البنطلون وطلع الغيار لونه مش أزرق
وفعلاً رجّع الراجل فلوس المدير
التفت الراجل للموظفين اللى كانوا بيتابعوا وقالهم: أهو قلّعتلكم المدير زي ما راهنتكم
كل واحد يجيب 5000 جنيه حسب الإتفاق
1 التعليقات:
من التعليقات عبر الايميل ما يلي:
مرة الريس كان عازم بوش و جاك شيراك في شرم الشيخ
و بعدين و هما قاعدين على الشاطئ
و الغواصين عماليين يغطسوا و يتفرجوا على العجائب اللي تحت المياه
قام بوش حب يتمنظر على الموجودين قام مطلع من جيبة قطعة
معدنية و قال "أنا هرمي القطعة دي في المية و اللي هيجبها من الغواصين دول
هديلو نص مليون دولار ورماها "
مفيش ثواني و جابها واحد من الغواصين و أخد المبلغ
طبعا صاحبنا جاك شيراك قال إزاي بوش يعمل كدا هوا مش أحسن مني
قام مطلع قطعة معدنية من جيبة و عمل زي بوش و قال إللي هيجبه� هديلوا مليون
دولار و رماها و مفيش ثواني واحد من الغواصين طلع القطعة و أخد المبلغ
صاحبنا بقى بص عليهم كدا و قال يعني في بلدي و يتمنظروا عليا مش ممكن قام
مطلع قطعة من جيبة و قال إللي هيجبها هديلوا 3 مليون دولار
....ساعتها إتنفض جمال و قاللو يا ريس مش هينفع الميزانية كدا هتتدمر قام
قاللو " إسكت يا حمار دة قرص فوار
إرسال تعليق