الاصلي: انك تكون مقتنع ان موقع غربية اون لاين اخطأ مهنيا في تقرير الرئاسة بتجاهله د / عبدالمنعم ابوالفتوح وتكتب ده مزبن باداب النصيحة في الاسلام وتحاول توصله للمسئول عن ذلك
والصيني : انك تعلق المشانق وتقفش في الموضوع كأنك قفشت حرامي وياريت بقا شوية مصطلحات من نوعية انهيار المباديء ونفاق المسئولين وممكن كمان تعمل زي ما عمل واحد وتوصف الاخ الصحفي بالحماااااااااار وده ميبقاش انهيار لخلق اسلامي علمه لنا النبي ( ليس المؤمن بالطعان ولا اللعان ولا الفاحش ولا البذيء ) ديه بقا ديموقراااااااطية بس صيني
الاصلي : انك لما الجماعة تأخذ قرار بطريقة شورية ان اللي يأسس حزب تاني يتفصل تقوم انت تحدد هدفك ورغبتك اما بالاستمرار في الجماعة واما باختيار طريق اخر وتنهي العلاقة بطريقة لطيفة ويبقي الود والمحبة والتعاون بيننا
والصيني : انك تروح تأسس حزب ولما الجماعة تفصلك تقعد تتنطط وتصرخ وكأنك فوجئت بالقرار وياريت بقا شوية مصطللحات من نوعية المشانق اتعلقت والمقصلة اشتغلت والقرار كان مسبق وفوقي ورد الفعل ده ميبقاش حاااااااجة عجيبة جدااااا ده يبقا ديموقراطية بس صيني
الاصلي: انك لما تكون في جماعة وبتمثلها في ائتلاف بتكون ممثل لرأي الجماعة في الائتلاف ده وملتزم به
والصيني: انك متلتزمش برأي الجماعة وتلتزم برأي الائتلاف وده ميبقاش حاجة عجييييييييييييييييييبة ولا تخليك تشد في شعرك لان ده ديموقراطية بس صيني
الاصلي : انك لما تقرأ مقالة الدكتور أحمد البيلي ( دار الاخوان ) ولو فهمت منها معاني جيدة تقوله جزاك الله خيرا ولو حابب ترده في حاجة تكتب له رد محترم باعتراضاتك كلها او حتي تقعد معاه او مع اكبر مسئول في الاخوان لتعترض علي افكاره وتتأكد هل هذا هو الفكر العام للجماعة ؟؟ حتي يهدأ بالك وتكون علي بينة من دعوتك وفكرتك
والصيني : انك تكتب موضوع طويل عريض اول سطرين فيه عن الدكتور البيلي والباقي عن المنتفعين من قادة الجماعة اللي ماسكين في الكراسي في الجماعة والحزب والنقابات وتتهم الشرنوبي انه هاجم الاخوان لانهم وعدوه بقناة 25 وضحكوا عليه وده طبعا ميبقاش حكم علي النوايا واتهام بدون دليل وبعد عن اخلاق الاسلام وتلاسن لم نعهده علي ابناء دعوة واحدة ده يبقا ديموقراطية بس صيني
الاصلي الاخير : انك لما تختلف مع اخوانك اللي اكلت معاهم عيش وملح واجتمعتم معا علي ذكر الله وحابب تتركهم تتركهم بالمعروف ويبقا الحب بينكم والمودة
والصيني: انك لما تختلف مع اخوانك يكونوا هما اول ناس تهاجمهم وتتصيد لهم الاخطاء وكمان تفتح صفحتك لكل اللي معدي وحابب يشتم اخوانك وده ميبقاش نكران للمعروف ده يبقا ليبرااااااالية اخوانية جديدة
اخيرا صديقي الشاب الاخواني الزهقان لو حضرتك بتفكر بالطريقة الصيني اللي فوق احب اقولك ربنا يوفقك وفي امان الله
0 التعليقات:
إرسال تعليق