هتافات جمعة الغضب

ثورة ثورة حتى النصر ... ثوره في كل شوارع مصر

متخليش الجبن يصيبك ربك واحد مش هيسيبك

قضيتنا مش حزبية دى قضية تغير وطنية

الحرية الحرية أمن الدولة بيضرب فيا

مش هنسلم مش هنطاطى إحنا كرهنا الصوت الواطى

اصحوا وفوقوا يا مصريين. . مش هنقول للظلم آمين

يا وزراء طفوا التكييف مش لاقيين حق الرغيف

الإصلاح بقي شيء مطلوب قبل الشعب ما يأكل طوب

بطل تمشى جنب الحيط.. أصل سكاتك مش هيفيد

صحي الخلق وهز الكون.. مصر بلدنا مش هتهون

ارفع صوتك زى الناس. . إحنا كرهنا الظلم خلاص

ثورة مصر جاية جاية بالعدالة والحرية

أحنا مين أحنا مين أحنا كل المصريين

الشعب يريد اسقاط النظام

حسني مبارك بره بره ... مصر بلدنا هتفضل حرة

يسقط يسقط حسني مبارك

لا لمبارك أب وابن ... لا للفردة والاستبن

هو مبارك عاوز ايه ؟؟ كل الشعب يبوس رجليه

لا يا مبارك مش هنوبس ... بكره عليك بالجزمة ندوس

يا مبارك يا مبارك..... فندق جدة في انتظارك

يا مبارك ياخسيس ...عاش عاش شعب السويس

باطل .. حسني مبارك ... باطل ... جمال مبارك .... باطل ......

اللي بيقتل أهله وناسه ... يبقى عميل من ساسه لراسه

ولا عادلي ولا حبيب ,,,, ارحل يا وزير التعذيب

حضرات الساده الظباط .. في ايديكم كام واحد مات

يا عسكرى يا جبار خاف من الواحد القهار

يا عسكري أنت اييه ... أنت مصري ولا أيه

يا أبو دبورة ونسر وكاب.. إحنا إخواتك مش إرهاب

ناس عاملين علينا أسود وبينضربوا على الحدود

لفق لفق في القواضي .. أمن الدولة واطي واطي